அணு சக்திகளை திரட்ட வட கொரியா தயாராக இருக்கிறது - கிம் ஜாங்-உன்

 அணு சக்திகளை திரட்ட வட கொரியா தயாராக இருக்கிறது - கிம் ஜாங்-உன்

 வட கொரியா தனது அணுஆயுதப் போருக்கு அணு சக்திகளைத்  திரட்ட  தயாராக உள்ளது என்று அதன் தலைவர் கிம் ஜாங்-உன் தெரிவித்துள்ளார்.

கொரியப் போர் ஆண்டு நிறைவு நிகழ்ச்சியில் பேசிய கிம், அமெரிக்காவுடனான "எந்தவொரு இராணுவ மோதலுக்கும்" கொரியா  முழுமையாகத் தயாராக உள்ளது என்று அரசு செய்தி நிறுவனமான கே.சி.என்.ஏ தெரிவித்துள்ளது.

 வட கொரியா ஒரு ஏழாவது அணு ஆயுத சோதனைக்குத் தயாராகக்கூடும் என்ற கவலையின் மத்தியில் இந்த கருத்துக்கள் வந்துள்ளன.

 பியோங்யாங் எந்த நேரத்திலும் அத்தகைய சோதனையை நடத்தக்கூடும் என்று அமெரிக்கா கடந்த மாதம் எச்சரித்தது.

 வட கொரியாவின் மிக சமீபத்திய அணுகுண்டு சோதனை 2017 இல் நடந்தது. எவ்வாறெனினும், கொரிய தீபகற்பத்தில் பதட்டங்கள் அதிகரித்து வருகின்றன.

 வட கொரியாவுக்கான அமெரிக்க சிறப்பு பிரதிநிதி சுங் கிம் கூறுகையில், வட கொரியா இந்த ஆண்டு முன்னெப்போதும் இல்லாத எண்ணிக்கையிலான ஏவுகணைகளை(31) சோதித்துள்ளது - இது முந்தைய ஆண்டுடன்(25) ஒப்பிடுகையில்  அதிகமான எண்ணிக்கை ஆகும்.

அணு ஆயுத சோதனையை நடத்த வட கொரியா திட்டமிட்டுள்ளதா?

கிம் ஜாங்-உன் என்ன விரும்புகிறார்?

 இதற்கான விடையை ஜூன் மாதம் தென் கொரியா தனது  எட்டு ஏவுகணைகளை ஏவியதன் மூலம் தெரிவித்துள்ளது.

1950-53 கொரியப் போர் ஒரு போர்நிறுத்தத்தில் முடிந்தாலும், வட கொரியா அதை அமெரிக்காவிற்கு எதிரான வெற்றி என்றே  கருதுகிறது. வருடாந்திர "வெற்றி நாள்" கொண்டாட்டங்கள் இராணுவ அணிவகுப்புகள், வாணவேடிக்கைகள் மற்றும் நடனங்களுடன் நடைபெற்றது.

 இந்நிகழ்ச்சியில் கிம் ஆற்றிய உரையில், அமெரிக்காவிடமிருந்து வரும் அணுஆயுத அச்சுறுத்தல்கள் வட கொரியா அதன் தற்காப்புத்திறனை பலப்படுத்தும் "அவசர பணியை" அடைய வேண்டும் என்று கூறினார்.

 வட கொரியாவின் வழக்கமான இராணுவப் பயிற்சிகளை ஆத்திரமூட்டல்கள் என்று அமெரிக்கா தவறாக சித்தரித்துள்ளது என்று அவர் மேலும் கூறினார்.

 உடனடித் தாக்குதல் நடந்தால் முன்னெச்சரிக்கைத் தாக்குதல்களை நடத்துவதன் மூலம் வட கொரிய அணுஆயுத அச்சுறுத்தலை எதிர்கொள்வதற்கான ஒரு திட்டத்தை புதுப்பிக்க தென் கொரியா நகர்ந்து வருகிறது என்ற அறிக்கைகளையும் திரு கிம் உரையில் தெரிவித்ததாகத்  தோன்றியது.

சில பகுப்பாய்வாளர்கள் இது அதன் சொந்த அபாயங்களைக் கொண்டுள்ளது என்றும் ஒரு ஆயுதப் போட்டிக்கு எரியூட்டக்கூடும் என்றும் எச்சரித்துள்ளனர்.

 வெற்றி தின கொண்டாட்டத்தில், தென் கொரிய ஜனாதிபதி யூன் சுக்-யோலின் அரசாங்கமும் இராணுவமும் முன்கூட்டிய தாக்குதல்களை மேற்கொண்டால் "அழிக்கப்படும்" என்று  திரு. கிம் கூறினார்.