ஈஸியான கேரட் லட்டு

வீட்டில் கேரட் இருந்தால் சுலபமான சத்தான ஒரு ஸ்வீட் செய்யலாம். இதை செய்வதற்கு என அதிகம் மெனக்கெட தேவை இல்லை. வீட்டில் உள்ள பொருட்களை கொண்டே குறுகிய நேரத்தில் செய்யலாம். பொரியலாக செய்தால் சாப்பிடாத குழந்தைகள் கூட இந்த கேரட் லட்டுவை விரும்பி சாப்பிடுவார்கள்.

தேவையான பொருட்கள்
கேரட் 2 கப்
சர்க்கரை 3 டேபிள் ஸ்பூன்(அதிக இனிப்பு சேர்ப்பவர்கள் 1/2 கப் சேர்க்கலாம்)
தேங்காய் 1 கப்
நெய் 3 டேபிள் ஸ்பூன்
ஏலக்காய் தூள் 1/4 டீஸ்பூன்
உலர் திராட்சை 1/4 கப்
முந்திரி 50 கி

செய்முறை
1. கடாயில் சிறிது நெய் விட்டு சூடேறியதும் உலர் திராட்சை மற்றும் முந்திரியை வறுத்து தனியாக எடுத்து வைத்துக் கொள்ளவும்.
2. அதே கடாயில் மேலும் சிறிது நெய் விட்டு துருவிய கேரட் சேர்த்து நன்கு வதக்கிக் கொள்ளவும்.
3. பிறகு அதில் சர்க்கரையை சேர்த்து அது உருகும் வரை  நன்கு கலக்கவும். 
3.ஒரு கப் துருவிய தேங்காயை இதவுடன் சேர்த்து வதக்கவும். பின் மூடி 5 நிமிடம் வேக விடவும். இடையில் ஒரு தடவை திறந்து வதக்கிக் விடவும். இது அடிபிடிக்காமல் இருக்க உதவும்.
4. ஏலக்காய் தூள், வறுத்த முந்திரி, திராட்சை இவற்றை சேர்த்து மீண்டும் மூன்று நிமிடம் மூடி வேகவிடவும்.
5. சிறிது நெய் சேர்த்து இறக்கி விடவும்.
6. கை பொறுக்கும் சூட்டில் லட்டாக உருட்டினால் நமக்கு தேவையான கேரட் லட்டு தயார்!!!